duta's Blog

ასეთი ადამიანებიც არსებობენ

tkacann — Sun, 17 Jan 2010 18:38:00 +0000

ნიუ-იორკელმა ტაქსისტმა მგზავრს მანქანაში დარჩენილი 10 000 დოლარი დაუბრუნა.
წარმოშობით ბანგლადეშელმა 28 წლის მიკულ ასადუზმანმა, კუთვნილი ტაქსიში 10 000 დოლარის ქეში მას შემდეგ აღმოაჩინა, რაც პენსილვანიის ვაგზალთან იტალიელი ტურისტი მიიყვანა.
იმავე საღამოს ტაქსისტი ორჯერ მივიდა ლონგ-აილენდში, იმ სახლთან, სადაც მგზავრი მანქანაში ჩაისვა. ძიება ტაქსის მძღოლისთვის წარმატებული აღმოჩნდა. რამდენიმე საათის ძებნის შემდეგ მან იტალიელი ქალბატონი იპოვა და თანხა უკლებლივ დაუბრუნა. 72 წლის ფელიცია ლეტერი განაცვიფრა უცხო მამაკაცის ასეთა ღირსეულმა ქმედებამ. იტალიელი ქალბატონი იმითაც გაოცებული დარჩა, რომ ტაქსის მძღოლმა ყოველგვარ საჩუქარზე უარი თქვა.
ასადუზმანმა განაცხადა, რომ მისი საქციელი სრულიად ბუნებრივია. საკუთარი ქმედება მან ასე ახსნა – “მე არ მეკუთვნის ძვირფასი საჩუქრები იმ სამი საათისთვის, რომელიც ქალბატონის ძებნაში დავხარჯე”.

თქვენ რას იზამდით 10 000 დოლარი რომ გეპოვათ? ეს რეალური ამბავია და ველოდები თქვენს რეალურ კომენტარებს.

მოგებულ-წაგებულები

tkacann — Thu, 07 Jan 2010 15:16:04 +0000

“საქართველო არა მხოლოდ გადარჩა, არამედ დადგა ფეხზე. მე აქ (პრეზიდენტის სასახლეში. ავტ.) იმიტომ არ ვარ, რომ ეს ჩვენ შევძელით და ფეხზე დავაყენეთ. ეს გააკეთა ქართველმა ხალხმა”, – განაცხადა ქვეყნის პრეზიდენტმა, მიხეილ სააკაშვილმა წლის შედეგების შეჯამებისას. პრინციპში, პრეზიდენტის ამ მოსაზრებას მომხრეებიც უხვად ეყოლება და მოწინააღმდეგეებიც. თუმცა ფაქტია, რომ 2009 წელს ჩვენს თავზე კვლავ არ დაფრინავდნენ რუსული ავიაგამანადგურებლები. სხვა წვრილ-წვრილი წარმატებები ამ პოზიტივთან მიმართებაში ვისთვის შესაძლოა წონადიც იყოს, ვისთვის კიდევ _ არაფრის მთქმელი. ამის მიუხედავად წელი მიილია.. ბევრი რამ გადავაფასეთ… შევაფასეთ და საფიქრალიც დაგვრჩა.

“ეს იყო ყველაზე რთული პერიოდი. ომი და მის შემდგომი ოკუპაცია, უმძიმესი მსოფლიო ეკონომიკური კრიზისი, რომელმაც გადაუარა მთელ მსოფოლიოს და რეგიონს და ასევე მრავალთვიანი შიდა პოლიტკური დესტაბილიზაცია. ჩვენ გაუძელით ერთსაც და მეორესაც”, – აცხადებს პრეზიდენტი.

ქვეყნის პირველი პირის გამონათქვამთან დაკავშირებით პოლიტოლოგი რამაზ საყვარელიძე მიიჩნევს, რომ მსოფლიო ეკონომიკური კრიზისი ქვეყანას თითქმის არ უგვრძნია, ხოლო საპროტესტო აქციებისას მოსახლეობამ ძალიან მაღალი კულტურა აჩვენა.

“პრეზიდენტს არ უთქვამს, რომ მდგომარეობა იდეალურია. მან თქვა, რომ უარესი შეიძლებოდა ყოფილიყო და ეს უარესი რამ არ მოხდა. სააკაშვილმა ამასთან მიმართებაში აღნიშნა ხალხის ღვაწლი. მსოფლიო ეკონომიკურმა კრიზისმა ბევრ ქვეყანას მძიმედ გადაუარა. ჩვენ ეს პროცესი თითქმის არ გვიგრძვნია. მდგომარეობა არ არის სახარბიელო, მაგრამ ეკონომიკური კრიზისის პირობებში ისეთი სურათი, რომელიც მსოფლიოს ბევრ სხვა ქვეყანაში იყო, არ შექმნილა. რაც შეეხება შიდა დესტაბილიზაციას, აქ მოსახლეობამ ძალიან მაღალი კულტურა აჩვენა, რომ პროტესტი დესტაბილიზაციაში და სახელმწიფო კრიზისში არ გადაზრდილიყო. ამაში ოპოზიციასაც აქვს დამსახურება, რადგან ოპოზიციამ საპროტესტო განწყობას არ მისცა რადიკალური ხასიათი”, _ განუცხადა “ჯი-ეიჩ-ენს” რამაზ საყვარელიძემ.

დიახ, 2009 წელი რთული იყო 2007-ზე, როდესაც პრეზიდენტმა 7 ნოემბრის აქციის დარბევით უდიდესი დარტყმა მიაყენა საკუთარ ავტორიტეტს. რთული იყო 2008 წელზეც, როდესაც რუსეთის აგრესიის პირობებში ქვეყნისთვის გამოხატული მხარდაჭერის პარალელურად მსოფლიო მოიარა, პრეზიდენტის ადამიანიური სისუსტის გამომხატველმა კადრებმა (ჰალსტუხი და გაქცევა). ამის შემდეგ, ნებისმიერი თავმოყვარე ადამიანისთვის რა თქმა უნდა, მტკივნეული იყო ჰქონოდა დაკარგული ტერიტორიებიც და ჰყოლოდა ბრძოლის ველიდან გაქცეული მთავარსარდალი. ამიტომ პრეზიდენტს და მის მოხრეებს არც უნდა გაკვირვებოდათ, თუნდაც ამ გარემოების გამო გაბრაზებული ქართული საზოგადოების ერთი ნაწილის არსებობა და სხვადასხვა სახით გამოხატული პროტესტი.

სწორედ პროტესტის შედეგად, ლამის სასახლის გარეშე დარჩენილმა პრეზიდენტმა თანდათანობით იმდენად დააკნინა საკუთარი ოპონენტების სახე, ისე დაშალა ერთ მუშტად შეკრული _ “მონოლითური” ოპოზიცის რიგები, რომ მისი გადადგომის მომთხოვნი პოლიტიკოსებიდან ზოგი ლამის მთავრობაში აღმოჩნდა, ზოგიერთის გამოჩენამ კი სამთავრობო დაწესებულებების დერეფნებში ამ უწყებების აპარატის თანაშრომელებს ავი სულის მოჩვნებისას წარმოსათქმელი ფრაზები აყრევინა ბაგეთაგან _ “ფუი ეშმაკს… ფუი ეშმაკს…”…. თუმცა, ადამიანი ავ სულსაც გუობს ალბათ და როგორც კულუარებიდან ჟონავს _ მავანთა ღამეული თანაცხოვრება დუღს და გადმოდუღს.

ოპოიზცია ხშირად აღნიშნავს, რომ პრეზიდენტმა და მისმა გუნდმა არასწორი მეთოდებით ითამაშა, ხელების გადაგრეხვა დაიწყო და ასე შემდეგ. მაგრამ ამ მოსაზრებების ავტორებს ავიწყდებათ, რომ არც ერთი ხელისუფლება, ძალაუფლებას ჰარი-ჰარალოდ არ დათმობს. თუმცა ისიც რეალობაა, რომ ოპოზიციამ დაარღვია ბუნების კანონი _ წარმოქმნა ძალა, მიიღო წინააღმდეგობა და საპასუხო წინააღმდეგობის არც ძალა აღმოაჩნდა და არც მარიფათი.

უფრო მეტიც, “საკნები “ფე-ეს-ბე”-დან გამოგზავნილი სცენარი იყო და ეს დადასტურებულია”, – განაცხადა პრეზიდენტმა და ისიც განმარტა, რომ “ჩვენ გვერდზე გავდექით და ქართულ საზოგადოებას, რომელიც ომისგან იყო ტრავმირებული, გადაწყვეტილების მიღების საშუალება მივეცით. აქციები სინამდვილეში საზოგადოებამ დაშალა და გონიერებისკენ მოუწოდა. საბედნიეროდ, ვერ განახორციელეს პროექტი “თბილისი მკვდარი ქალაქი” და ვერც ვერასდროს განახორციელებენ~. საკმაოდ მძიმე ბრალდებაა იმის მიუხედავად, რომ არაერთხელ მოგვისმენია ხელისუფლების წარმომადგენელთა და თვით პრეზიდენტის განცხადება, რიგი ქართველი პოლიტიკოსის კრემლთან კუსკუსის შესახებ.

სამწუხაროა, რომ არავის გაუჩნდა სურვილი “ეფ-ეს-ბე”-სთან კავშირის არგუმენტირებულად უარყოფის შესახებ, რაც კიდევ უფრო მეტად ზრდის საზოგადოების ნიჰილიზმს მთელი რიგი ოპოზიციური ძალის მიმართ. უფრო მეტიც, ისიც ხომ ფაქტია, რომ ხელისუფლებამ ოპოზიციის არც თუ უმნიშვნელო ნაწილი იღლიაში ამოიჩრა და პრეზიდენტის ტრიბუნის არ იყოს იქ “ამაგრებს” სადაც მოისურვებს.

~ბოლო პერიოდში ბევრად მეტ დროს ვატარებ ოპოზიციასთან, ვიდრე უმრავლესობასთან და ეს ძალიან სასარგებლოა. უშიშროების სხდომაზე, პრაქტიკულად ყველა მოვიდა. პრაქტიკულად ყველა სერიოზულმა ძალამ მიიღო მონაწილეობა საარჩევნო კოდექსზე მუშაობაში. შეიძლება ზოგმა პოზა დაიჭირა, რომ არ მოსწონს შეთანხმებული კოდექსი, მაგრამ არჩევნებში მონაწილეობას ხომ იღებენ? ესე იგი უღირთ მონაწილეობა და იმიტომ~, – აცხადებს პრეზიდენტი და მავანთა პოზიორობაზე საუბრით ოპოზიციონერთა არც თუ უმნიშვნელო ნაწილის სიკეკლუცეს უსვამს ხაზს.

არც ამ გამონათქვამს მოჰყოლია რაიმე სახის შეფასება. შესაბამისად, უნდა ვივარაუდოთ რომ პრეზიდენტი მართალია და იმაზე ბევრად ცოტას ამბობს, რაც მისთვისაა ცნობილი.

თუმცა, რამაზ საყვარელიძე ოპოზიციის რიგი წარმომადგენლების “სიამტკბილობას” ხელისუფლებასთან თავისებურ ახსნას უძებნის.

“ოპოზიცია რთულ სიტუაციაშია. შესაძლოა, მათთვის მოუღებელი იყოს ის საარჩევნო კოდექსი, რომლის პირობებშიც მათ მოუწევთ საარჩევნო პროცესში ჩართვა, თუმცა რომც არ მიიღონ მონაწილეობა არჩევნებში, გამოიძებნება ისეთი პოლიტიკური ჯგუფები, რომლებიც მონაწილეობას მიიღებენ არჩევნებში და საერთაშორისო საზოგადოების თვალში მრავალპარტიულობის სურათი მაინც დაიხატება. ამიტომ, პროტესტის მიუხედავად, ოპოზიციას არჩევნებში მონაწილეობა მაინც უწევს. გაბუტვა პოლიტიკას არ უყვარს. თუ ოპოზიცია არჩევნებში მონაწილეობას არ მიიღებს, ის პოლიტიკური პროცესების მიღმა აღმოჩნდება და მოხდება ამ ძალების მარგინალიზაცია”, _ აცხადებს საყვარელიძე.

ისე, არც იმის პროგნოზირებაა ძნელი, რომ უახლოეს მომავალში უფრო სწორად, ადგილობრივი არჩევნების მეორე-მესამე დღეს, ჩვენი ოპოზიციის არც თუ უმნიშვნელო სახეები კიდევ ერთხელ დაიწყებენ საუბარს გაყალბებულ არჩევნებზე, კიდევ ერთხელ მოუხმობენ ქუდზე კაცს, კიდევ ერთხელ იტყვიან, რომ მიშამ არჩევნები ძალიან ადრე დაიწყო და სახელისუფლებო რესურსს იყენებდა და ა. შ.

კი მაგრამ მერამდენედ ერთი და იგივე? როგორც ხალში იტყვიან, ებრაელის დაწყევლილივით არის ჩვენი ოპოზიცია _ არც თავად იცის და არც სხვისგან უნდა რამე ისწავლოს. ისე, არც ის უნდა დაგვავიწყდეს რომ მრავალი მათგანი რაღაც დრომდე პრეზიდენტის კალთაში მშვენივრად გრძნოდა თავს. მაგრამ მისგან ვერც შემართება ისწავლა, ვერც პოლიტიკური პაექრობის ანა-ბანა.

პრეზიდენტის ბოლოდროინდელ განცხადებებს თუ მივადევნებთ თვალ-ყურს იმასაც შევნიშნავთ, რომ არავითარი ქილიკი და საძრახისი განცხადებები არც შალვა ნათელაშვილის და არც ნინო ბურჯანაძის მიმართ არ ისმის. არა იმიტომ, რომ მიხეილ სააკაშვილს ან ერთი ეხატება გულზე ან მეორე. ალბათ იმიტომ, რომ არსებობს მოწინააღმდეგის მიმართ ღირსებით განმსჭვალვის მომენტები. რა თქმა უნდა, გამორიცხულია ეს მდუმარება იდილიაში გადაიზარდოს _ პოლიტიკა ვერ გუობს ოპონენტების მიმართ კეთილგანწყობას. მაგრამ ეს საკმაოდ ნიშანდობლივი ფაქტორია და პრეზიდენტის ღირსებას არამც თუ აკნინებს, არამედ პირიქით.

და მაინც, კიდევ ერთხელ, ვინ იცის მერამდენედ გავიმეორებ, რომ სხვა მნიშვნელოვან თუ უმნიშვნელო ფაქტორთან ერთად რასაც პრეზიდენტს ვედავებოდი იყო მის მიერ აგვისტოს შემდეგ არ თქმული ფრაზა _ “მე გადავდექი!”. სამწუხაროდ ვლადიმერ პუტინისთვის ზურაბ ნოღაიდელის მიერ არ თქმული ფრაზის შემდეგ _ “რა ეშველება ჩემს სამშობლოს” _ დავრწმუნდი, რომ ჩემი ქვეყნის დამარცხებული მთავარსარდალი მირჩევნია პიერ კარდენის კოსტიუმში გამოპრანჭულ ექს-პრემიერს. უფრო მეტიც, პუტინიც კი პატივსცემას იმსახურებს როგორც საკუთარი “დერჟავის” ინტერესების დამცველი, ვიდრე ქართველი გლეხების ბედზე მომტირალი ქართველი პოლიტიკანები.

“რა ეშველება ჩემს სამშობლოს?” _ ამ ან ამდაგვარი შინაარსის კითხვის არ დასმა ნებისმიერი რუსი მოხელისთვის ნებისმიერი ქართველის და მით უფრო, პოლიტიკოსების მხრიდან არსებული რეალობის შეგუებასთან უტყუარ თანხმობას ნიშნავს. ეს კითხვა იმიტომაც უნდა დაისვას, რომ ქართული სახელმწიფოს თითოეულმა მოქალაქემ და საერთაშორისო თანამეგობრობამაც ღიად იცოდეს სამომავლოდ რა ზრახვები აქვს კრემლს თბილისთან მიმართებაში. უფრო მეტიც, განიხილავს მას მხოლოდ როგორც ბაღ-ბოსტანს, საიდანაც სარვამარტო ყვავილები, ხილი და ბოსტნეული სჭირდება და ჩვენივე ღვინით ხელში უნდა გვაგინოს დედა, თუ ეს ურთიერთოებები რაიმე სახის პოზიტივის შესაქმენელად არის საჭირო, რაც ნამდვილად მეეჭვება.

უკვე გავიგეთ, რომ რუსეთის პოლიტისტებლიშმენეტს საქართველო უყვარს, მაგრამ ქართველების გარეშე. დიახ, უყვართ და სწადიათ ჩვენი მიწა-წყალი _ საქართველო, როგორც გეოგრაფიული ერთეული. მათ ხომ სწორედ ასევე უყვართ აფხაზეთი, რომელიც ამჟამდ ნაურუს მიერ აღიარებული რუსეთის “დამოუკიდებელი” პროვინციაა.

პრეზიდეტმა ნოღაიდელის ქმედებებიც შეაფასა და აღნიშნა, რომ “სამართლიანი საქართველოსთვის” ლიდერი იმაზე უფრო დაბლა დაეშვა ვიდრე ამის წარმოადგენა შესაძლებელი იყო.

რუსეთთან საერთაშორისო თანამეგობრობის დამოკიდებულებების თვალსაზრისითაც თუ ვიტყვით ორიოდ სიტყვას, არც იმის აღნიშნვას უნდა მოვერიდოთ, რომ ბებერი ევროპის რიგი სახელმწიფო, ზამთარში კრემლთან ერთად წევს, გააფხულზე უმანკო სახით შემოგვციცინებს, ზაფხულს კანის გადაჭიმვასა და გარუჯვას ანდომებს, ხოლო შემოდგომას მაკიაჟს _ ისევ კრემლის საწოლში ჩასაგორებლად.

უფრო მეტიც, ჯორჯ ბუშის მიერ გაჩაღებულმა ცხელმა წერტილებმა ობამას, რომ დასწვა თითები ესეც აშკარაა და “გარუჯული ბიჭის” გადაწყვეტილება აშშ-ევროპის ტანგოში მესამე სუბიექტად კრემლი შემოიყვანოს, შესაძლოა, სულაც არაა ვაშინგტონის სასურველი გადაწყვეტილება, მაგრამ არის ის რეალობა, რომელსაც ვერც თავად გაექცევა ვერსად და რომლისთვისაც თვალის გასწორება ჩვენც მოგვიწევს.

თუმცა, სულაც არაა გამორიცხული ეს გადაწყვეტილება ვაშინგტონსაც და ევროპასაც ძალიან ძვირად დაუჯდეს, იმაზე უფრო ძვირად ვიდრე თავის დროზე წახალისებული ჰუსეინი, შემგომ გამოძერწილი ბენ-ლადენი და ა.შ. მაგრამ ეს ცალკე განსჯის საგანია.

ამ ფონზე საქართველოს ხელისუფლებას კარგია ეს თუ ცუდი, რეალურად სხვა არაფერი დარჩენია, რომ საგარეო პოლიტიკურ ფლანგზე “იძულების” ტაქტიკით იმოქმედოს და ამაში არაფერია სათაკილო _ თუ ვერ გამჩნევენ იმდენი უნდა მოახერხო რომ შეგამჩნიონ და გაღიარონ.

სხვამ ვერავინ, ვერც სალომე ზურაბიშვილმა თავისი დიპლომატიური გამოცდილებით, ვერც ნინო ბურჯანაძემ თავისი ექს-სტატუსებით, ვერც ალასანიამ გაეროში აღჭურვლი პოლიტ-დიპლომატიური ეტიკეტით ვერ შესძლეს ამ ფრონტზე ქვეყნისთვის სასურველი შედეგების მიღწევა. შესაბამისად, მინიმალური მაგრამ ქვეყნისთვის აუცლებელი საგარეო სტაბილურობა ისევ და ისევ სააკაშვილისა და მისი გუნდის დამსახურებაა.

თუ საკუთარ თავთან მართლები ვიქნებით, იმის აღიარება მოგვიწევს, რომ 2009 წელს ვერც ერთმა ქართველმა პოლიტიკოსმა თუ პოლიტიკურმა ძალამ ვერ შესძლო სასურველი შედეგის მიღწევა.

“თუ ერთ მხარედ მიხეილ სააკაშვილს განვიხილავთ, მეორე მხარედ _ აპრილის აქციებში მონაწილე ოპოზიციას, ბრძოლა მიმდინარეობდა ხელისუფლების შეცვლაზე. სააკაშვილი დარჩა ხელისუფლებაში, ოპოზიციამ ვერ მოახერხა მისი შეცვლა. ამ თვალსაზრისით ოპოზიციამ წააგო. მოიგო თუ არა ხელისუფლებამ, ეს კიდევ საკითხავია. უშედეგო არ იყო ეს პროცესი, თუმცა მან ის შედეგი ვერ გამოიღო, რასაც უმიზნებდა. ოპოზიციამ მოიგო მეტი ანგარიშგაწევა მის მიმართ, თუმცა არა იმდენად ოპოზიციამ, რამდენადაც ხალხმა”, – აცხადებს “რამაზ საყვარელიძე.

პოლიტოლოგი მიიჩნევს, რომ ყოველივეს შედეგად უნდა ჩაითვალოს ის, რომ ხელისუფლება ცდილობს ხალხი არ გააღიზიანოს და დააკმაყოფილოს მისი მოთხოვნები _ “ხელისუფლების მხრიდან ხალხის მიმართ ყურადღებიანობა უფრო მეტია, ვიდრე ეს იყო აპრილის აქციებამდე. ეს საზოგადოების მოგებად შეიძლება ჩაითვალოს”,

ზედმეტი განვრცობის გარეშე, აქვე იმის აღიარებასც მოგვიწევს, რომ ვერც ერთმა ქართველმა პოლიტიკოსმა თუ ნინო ბურჯანაძის მიერ ოპოზიციაში ადგილის დამკვიდრებას(?!) არ ჩავთვლით, ვერ შესძლო დასახული ამოცანის შესრულება. თუმცა იმავე ბურჯანაძისთვის წლის ამოცანა სულაც არ ყოფილა მხოლოდ თვითდამკვიდრება ოპოზიციურ ნიშაში, მას ბევრად სხვა სიმაღლეების დალაშქვრის სურვილი ჰქონდა. არც შალვა ნათელაშვილისთვის, ახალი არაფერი შეუთავაზებია საზოგადოებისთვის გარდა საკუთარი თანმიმდევრულობისა.. რაც შეეხება ალასანიას, აქ უფრო მძიმე შემთხვევასთან გვაქვს საქმე, რადგან ყოფილი ელჩი იმ მეტეორიტს ემგავსება, რომელმაც დიდი ხანია ჩაუქროლა დედამიწას და ორბიტაზე კვლავ დაბრუნებდამდე, თუ ასეთი რამ ვარსკვლავების მოძრაობის კანონზომიერებაში ხდება, მხოლოდ მიხეილ ცაგარელს უადვილებს ცხოვრებას და პროგნოზის გაკეთების საშუალებას. ვერც სალომე ზურაბიშვილისთვის, რომელიც აპრილის აქციებისა და ოპოიზციის ერთიანობის სულისჩამდგმელი იყო, არსებული რეალობის გათვალისწინებით წელი წარმატებული ვერ აღმოჩნდა.

რაც შეეხება გუბაზ სანიკიძეს, მან მიმდინარე წელს საოზგადოების მეხსიერებაში კვალი უფრორიგ როგორც კარგმა რიტორმა დატოვა, ვიდრე წარმატებულმა პოლიტიკოსმა.

რაც შეეხება “კინაღამ” საქართველოს პრეზიდენტს ლევენ გაჩეჩილაძეს, მან თავად განაცხადა პოლიტიკისობაზე უარი და ძმები გაჩეჩილაძეების 2009 წლის მონაგარი ვერანაირად ვერ განიხილება პოლიტიკურ ჭრილში.

სხვა პოლიტიკურ ძალებსა და პერსონებსად 2009 წლის მიღწევებთან დაკავშირებით ბევრი არაფერი აქვთ დასაკვეხნი.

პრეზიდენტმა წელი შეაჯამა და პოლიტპერსონების პოლიტქმედებებისა და მათ მიერ დაულაშქრავი მწვერვალების ცქერით თვალები, რომ არ გადავიღალოთ დავეთანხმოთ მიხეილ სააკაშვილს _ “საქართველო არა მხოლოდ გადარჩა, არამედ დადგა ფეხზე. მე აქ (პრეზიდენტის სასახლეში. ავტ.) იმიტომ არ ვარ, რომ ეს ჩვენ შევძელით და ფეხზე დავაყენეთ. ეს გააკეთა ქართველმა ხალხმა” და იმედი დავიტოვოთ, რომ 2010 წლისთვის ქართველ ხალხთან ერთად ქვეყანაც გაიმარჯვებს.

ავტორი: გოჩა მირცხულავა
წყარო: www.ghn.ge

facebook ყოველი მეხუთე ბრიტანული ოჯახის განქორწინების მიზეზია

tkacann — Wed, 23 Dec 2009 16:12:10 +0000

ბოლო პერიოდში დიდ ბრიტანეთში წარმოებული განქორწინებების 20 პროცენტი სოციალურ ქსელ „ფეისბუქს“ უკავშირდება. ამის შესახებ The Daily Mail იმ იურიდიულ კომპანიებზე დაყრდნობით წერს, რომლებიც განქორწინებების საქმეებზე მუშაობენ.
ყოველი მეხუთე განაწყენებული მეუღლე აღნიშნავს, რომ ოჯახის დანგრევის ერთ-ერთი მიზეზი „ფეისბუქია“, უფრო სწორად კი მეორე ნახევრის ამ სოციალურ ქსელში – ზედმეტად ჩართულობა. ხშირ შემთხვევაში კონფლიქტი ამ ვებ გვერდის მეშვეობით ურთიერთობაში მესამე პირის ჩარევას, მცირე ფლირტსა თუ ინტიმურ მიმოწერას უკავშირდება. იურისტები აღნიშნავენ, რომ ვირტუალურად მოღალატე ადამიანების საქციელს, ხშირ შემთხვევაში, ასეთივე ვირტუალური კეთილისმსურველები მათ მეუღლეებს, ატყობინებენ.
ცალკეულ შემთხვევებში ეჭვიანობა სოციალური ქსელით მეუღლეების ყოფილ პარტნიორებთან ურთოერთობას უკავშირდება, სხვა დანარჩენში კი საუბარი ვირტუალურ რომანებზე მიდის.
გარდა ოჯახური კონფლიქტებისა, სოციალური ქსელი ადამიანებს სხვა დანაშაულებებისკენაც უბიძგებს. უკანასკნელი ორი წლის განმავლობაში დიდ ბრიტანეთში როგორც მინიმუმ ორი მკველლობა მოხდა, მხოლოდ და მხოლო „ფეისბუქზე“ განთავსებული „სტატუსის“ გამო. 34 წლის უეინ ფორესტერმა და 31 წლის ბრაიან ლუისმა საკუთარი ცოლები მხოლოდ იმის გამო მოკლეს, რომ მათ სტატუსი „დაქორწინებული“ – „თავისუფლით“ შეცვალეს. ორივე მკვლელს სამუდამო პატიმრობა მიუსაჯეს.
სოციალური ქსელები არამხოლოდ უცხოეთშია პოპულარული. შეგახსენებთ, რომ სწორედ „ფეისბუქსზე“ განთავსებული სტატუსის გამო „თავისუფლების ინსტიტუტის“ წევრი, თეა თუთბერიძე „ჯვარზე“ სრულიად საქართველოს მოსახლეობამ „გააკრა“.

5 საუკეთესო ვიდეო YouTube-ზე

tkacann — Sun, 20 Dec 2009 12:27:28 +0000

პლანეტის მთავარმა პოპულარულმა ვიდეოჰოსტინგმა YouTube-მ წლის შემაჯამებელი შედეგები გამოაქვეყნა და 2009 წლის პოპულარული ვიდეო-რგოლებიც დაასახელა.

მეხუთე ადგილი „ევიანის“ მინერალური წყლის რეკლამამ დაიკავა, რომელშიც ახალშობილები იღებენ მონაწილეობას. ვიდეორგოლი 27 მილიონმა ადამიანმა დაათვალიერა.

მეოთხე ადგილზე მელოდრამის „ბინდისა“ და „ახალი მთვარის“ ტრეილერმა დაიკავა, რომელმაც YouTube-ზე 31 მილიონი დათვალიერება მოიპოვა.

ლიდერების სამეულს კრავს რთული საქორწინო ცეკვის JK Wedding Entrance Dance გადაღებებები, რომელიც 33 მილიონზე მეტმა ადამიანმა დაათვალიერა. კლიპის გმირები ეკლესიაში შესვლისას კრის ბრაუნის კომპოზიციის მიუზიკლის თანხლებით ცეკვავენ, სადაც მათი მეგობრების ქორწინება უნდა შედგეს. კლიპის ბოლოს კი ქორწინების გმირი კეივინი და ჯილი ჩნდებიან.

მეორე ადგილი პოპულარობის მხრივ 7 წლის ბიჭუნას ეკუთვნის, რომელიც სტომატოლოგთან ვიზიტის შემდეგ მამამისმა, დევიდ დევორმა გადაუღო. David After Dentist ვიდეოჩანაწერი YouTube-ზე 37 მილიონმა დაათვალიერა. სულ მალე დევიდის უამრავი თაყვანისმცემელი გამოჩნდა, რომლებმაც David After Dentist ვიდეოში გამოთქმული ფრაზები მიითვისეს. ასევე ბავშვის სხვადასხვა გამოთქმებით მაისურებიც კი გამოუშვეს.

რაც შეეხება პირველ ადგილს, იგი შოტლანდიელი დიასახლისის, სუზან ბოილის Britain’s Got Talent (ბრიტანეთი ტალანტებს ეძებს) რეალიტი-შოუზე გამოსვლამ დაიკავა. ცნობილმა ვიდეორგოლმა, სადაც სუზან ბოილმა იმღერა I Dreamed a Dream-მ შეასრულა, აპრილის თვიდან მოყოლებული 120 მილიონი ხმა მოაგროვა. რის შემდეგაც ბოილმა სადებიუტო ალბომი გამოუშვა, რომელსაც ასევე ჰქვია – I Dreamed a Dream . დისკმა სერიოზული რეკოტრდები მოხსნა 5 მილიონი ტირაჟით გამოვიდა, აცხადებს BBC.

YouTube, რომელიც ინტერნეტ-სივრცეში 2005 წელს გამოჩნდა, ამჟამად კი საძიებო სისტემის Google-ს კუთვნილებაშია, დაახლოვებით ერთ მილიარდ ახალ ვიდეორგოლს ათავსებს ვებ-გვერდზე. თავისი არსებობის ისტორიაში ყველაზე პოპულარული ვიდეორგოლების რეიტინგს კი პირველად აქვეყნებს.

წყარო: დრონი.ge

98 წლის ამერიკელ ქალს 100 წლის მეზობელი ქალის მკვლელობის გამო გაასამართლებენ

tkacann — Fri, 18 Dec 2009 09:05:50 +0000

ამერიკის მასაჩუსეთსის შტატში სასამართლო პროცესი მიმდინარეობს, რომელზეც 98 წლის ამერიკელ ქალს 100 წლის მეზობელი ქალის მკვლელობის გამო ასამართლებენ.
ეს ქალბატონი შტატის ისტორიაში ყველაზე ასაკოვანი დამნაშავეა.
უპრეცედენტო მკვლელობა, რომლის შესახებ ინფორმაციას რუსული საინფორმაციო პორტალი “ნიუს რუ” ავრცელებს, ქალაქ დარტმუტის მოხუცთა თავშესაფარში მოხდა. მკვლელი 98 წლის ლორა ლინდკვისტი აღმოჩნდა.
მას ახლო მომავალში ფსიქიატრიული ექსპერტიზის გავლა მოუწევს, მისი შერაცხადობის შემთხვევაშ, მოხუცს 100 წლის ქალის მკვლელობისთვის პასუხისგება მოუწევს.
მკვლელობამდე რამდენიმე დღით ადრე, ლინდკვისტი აწ უკვე გარდაცვლილ თავისი ოთახის მეზობელს, ელიზაბეტ ბეროუს ეჩხუბა. პერსონალის თქმით, მათ ყოველთვის ახლო მეგობრობა აკავშირებდათ, მათი ჩხუბის მიზეზი კი მათსავე ოთახში მაგიდის ადგილმდებარეობა გახდა.
გამოძიების შედეგად დადგინდა, რომ ბეროუ ხშირად ყვებოდა იმის შესახებ, რომ მისი ცხოვრება მისივე ოთახის მეზობელმა ლორამ ჯოჯოხეთად აქცია.
ელიზაბეტ ბეროუ 06:20 წუთზე გარდაცვლილი იპოვეს, ზეწარში გახვეული და თავზე პარკშემოხვეული. შემთხვევა ექიმებს თავიდან თვითმკვლელობა ეგონათ, თუმცა გამოძიების შედეგად დადგინდა, რომ ის ძალის გამოყენებით იქნა გაგუდული.
გამოძიებამ მკვლელობა გაუფრთხილებლობიტ მკვლელობით დააკვალიფიცირა.
მკვლელობამდე მოხუცი ქალბატონები ერთ ოთახში წელიწადზე მეტ ხანს ცხოვრობდნენ.

წყარო: ექსპრესნიუსი

ქრონიკა – ახალი რუბრიკა

tkacann — Sat, 22 Aug 2009 08:27:56 +0000

ბოდიშს გიხდით ბლოგის განახლებების შეწყვეტისათვის. ამ წუთიდან გაათმაგებული ენუზიზმით ვიმუშავებ გვერდის შექმნაზე.

ახალი სეზონიდან ახალ რუბრიკას გთვაზობთ. ესაა “ქრონიკა” სადაც საზოგადოებისათვის საინტერესო სხვადასხვა საქმეებისა თუ მოვლენების ქრონიკებს პერიოდულად შემოგთავაზებთ. იმედია ქარატებული რუბრიკა იქნება. ხშირად ესტუმრეთ – ბევრ საინტერესოს შეიტყობთ.

საქართველო – პერსონალური კომპიუტერი

tkacann — Sat, 22 Aug 2009 07:59:06 +0000

საქართველო მაგონებს პერსონალურ კომპიუტერს.

ძველია, ცუდად მუშაობს.

სისტემა პრეზიდენტია. ამ შემთხვევაში ვინდოუსი, რადგან ჭედავს.

ადრე Win2000 ანუ იგივე ედუარდ შევარდნაძე იდგა და გადავაყენეთ, ახალი ვერსია დავაყენეთ, მაგრამ ესეც ჭედავს.

კლავიატურა და მაუსი – აფხაზეთი და სამაჩაბლო.

საქართველოს უჭირს მათ გარეშე არსებობა და ისინი საქართველოს გარეშე არაფერს წარმოადგენენ.

ინტერნატი – ევროკავშირი/ნატო.

ვერ შევდივართ, ვცდილობთ შესვლას, არა და არც მოდემი გაგვაჩნია, არც ქსელის ადაპტერი (დემოკრატია, ადამიანის უფლებები)

ვირუსები:

ძმები გაჩეჩილაძეები,
სალომე ზურაბიშვილი,
კოკო გამსახურდია,
გუბაზ სანიკიძე,
და სხვა მრავალი

თანდაყოლილი ხარვეზები:
ვანო მერაბიშვილი,
ზურა ადეიშვილი,
გიგი უგულავა
და სხვა მრავალი…

ნინო ბურჯანაძე USB სისტემაა, მარტივად ერთდება და ითიშება.

გია ბუღაძე არის – paint.

კახა ბენდუქიძე – Calculator.

გოგა ხაინდრავა……………. – Recycle Bin

დავით გამყრელიძე არის – Word, Excel, Power Point, Outlook Express, ექიმი, მეწარმე, ლიდერი.

კახა კუკავა არის კურსორი, პატარა და მოძრავი.

მამა-შვილი ბაღაშვილი – Windows Media Player და Winamp, ყველაფერს უკრავენ

დათო აქუბარდია არის თამაში “Solitare”, სხვა საქმე თუ არ გვაქვს, მაშინ ვრთავთ.

შალვა ნათელაშვილი Pop up ფანჯარაა, ამოხტება – ჩაკეცავ, ამოხტება – ჩაკეცავ.

ლევან რამიშვილი system32 საქაღალდეა, გეშინია შეხვიდე და რამე შეცვალო, სისტემას დააზიანებ.

მოდიან ხოლმე ხელოსნები საქართველოს შესაკეთებლად, ინტერნეტში ჩასართავად, მაგრამ მიდიან ისევ. (ბაიდენი, სარკოზი და სხვანი)

ყველაზე ხშირად გამოყენებადი ღილაკი – Escape. ყველა გარბის.

ანტივირუსი – ეკლესია. ძველი ვერსიაა და update-ს არ ექვემდებარება, ამიტომ თავად გენერირებს ვირუსებს.

რაც მთავარია, ეს კომპიუტერი ინტერნეტ კაფეში დგას, მო-მხმარებელი ბევრი ჰყავს, ხან რუსეთი, ხან ა.შ.შ. … ევროპის ქვეყნები.

გადატვირთეთ!

ავტორი: გურიჩა

წყარო: facebook.com

მე ვიხალისე. ველი თქვენს კომენტებს

ზაზა ბურჭულაძე კომენტარებს tbilisiri-ს საშუალებით იძლევა

tkacann — Sun, 28 Jun 2009 11:16:42 +0000

tbilisiri@… – სწორედ ასეთია მწერალ ზაზა ბურჭულაძის ელექტრონული ფოსტის „იუზერ ნეიმი”. ეს კი „ექსპრესნიუსისთვის” მას შემდეგ გახდა ცნობილი, როდესაც მწერალს მაიკლ ჯექსონის გარდაცვალებასთან დაკავშირებით კომენტარისთვის დაუკავშირდა.

ჟურნალისტს ასევე სურდა მწერლისგან მოესმინა, რატომ მიუძღვნა დღევანდელი წიგნის ფესტივალის პირველი პრემია ცნობილი მომღერლის ხსოვნას.

პასუხი დამაინტრიგებელი იყო: „სატელეფონო კომენტარი ძალიან არასერიოზულად მეჩვენება. თუ შეგიძლიათ სხვა ფორმით ვისაუბროთ ამ თემაზე. მაგალითად, ელექტრონული ფოსტის მეშვეობით”.

ჟურნალისტმა კალამი მოიმარჯვა, რათა მწერლის ელექტრონული ფოსტის მისამართი ჩაეწერა, მაგრამ საუბარი სხვაგვარად გაგრძელდა: „იქნებ თქვენი მობილურიდან ჩემს ტელეფონზე ზარი გამოუშვათ, მე „მესიჯით” მოგწერთ ჩემს „მეილს” და იქ ვიკონტაქტოთ”.

ჟურნალისტმა რესპონდენტის პასუხი მწერლის ჩვეულებრივ ახირებად ჩათვალა, თუმცა როცა მობილური ტელეფონი მოკლე ტექსტური შეტყობინების მაუწყებელი სიმღერით აწკრიალდა, მაშინ კი მიხვდა, რომ „გაება”…

„მესიჯში” მხოლოდ ელ-ფოსტის მისამართი ეწერა: tbilisiri@… როგორც ჩანს, მწერალი სწორედ ამ „მეილით” არიგებს კომენტარებს.

თუმცა, მიუხედავად შეკითხვის გამეორებისა, „ექსპრესნიუსის” ჟურნალისტის საფოსტო ყუთში მწერლის პასუხი ჯერ კიდევ არ ჩანს.

ავტორი: მეეეე
expressnews-ის საკუთრება. შეუთანხმებლად გამოყენება აკრძალულია.
საკონტაქტო ინფორმაცია:
www.expressnews.ge
www.epn.ge
e-mail: info@expressnews.ge
Tel: 822 99 83 27; 871 00 77 00

რეალური წყვილი – ლევან სუხიტაშვილი & მაკა ვასაძე

tkacann — Wed, 24 Jun 2009 10:26:21 +0000

დღეიდან პერიოდულად შემოგთავაზებთ ხოლმე ჩემს სტატიებს, ინტერვიუებს, უბრალოდ მოთხრობებსა თუ სხვადასხვა სახის საკითხავ ნაშრომებს. ამ შემტხვევაში პირველი იქნება, დღის შუქს ვერმოსწრებული ჟურნალის, ”მწვანე ფორთოხლის” პიველი ნომრის მთავარი პორტრეტი. რეალური წყვილი ლევან სუხიტაშვილი და მაკა ვასაძე…

მათი ურთიერთობა მაშინ დაიწყო, როცა თითოეულ მათგანს ათასეულობით უცხო თვალი აკვირდებოდა. დაძაბული საკონკურსო მარათონი, რომელმაც ეს ორივე წყვილი ერთმანეთს დააკავშირა, თითქოს არ უნდა ყოფილიყო ადამიანური, თბილი გრძნობების საწყისი. რეალური შოუს არსში ჩადებული კონფლიქტი, რომელიც ხშირად უარყოფით განვითარებას ჰპოვებს ხოლმე, ამ შემთხვევებში სასიკეთოდ შემობრუნდა და ერთ დროს კონკურენტები, ერთმანეთის მონათესავე სულებად აქცია. ჩვენ მოგიყვებით როგორ იქცა რეალური კორიდა, წრფელი სიყვარულის საწყისად.ჩვენი რუბრიკის დღევანდელ სტუმრებს იდეის დონეზეც კი ვერ წარმოედგინათ, რომ ჩვეულებრივ სატელევიზიო გადაცემაში მონაწილეობის სურვილი, მათი ცხოვრების ერთ-ერთი უდიდესი გადაწყვეტილება იქნებოდა. ამტანი მაკა შოუში მხოლოდ გამარჯვებისათვის შედიოდა. ლევანს კი საერთოდაც არ ხიბლავდა ასეთი ტიპის გადაცემები და არც მიიღებდა მასში მონაწილეობას, რომ არა ცხოვრებაში სიახლის სურვილი. მაშინ ვერცერთი იფიქრებდა, რომ ”ამტანში” ერთმანეთს იპოვიდნენ. თუმცა მოსახდენი მაინც მოხდა.

ყველაფერი კი ასე დაიწყო:ლევანი: ამტანების სახლში სრულიად შემთხვევით აღმოვჩნდი. არც კი მინდოდა შოუში მონაწილეობის მიღება, მაგრამ ბედს მივენდე და თავი ამოვყავი ისეთ გარემოში, როგორშიც აქამდე არ ვყოფილვარ. თითქოს ყველა მოთამაშე ჩემს წინააღმდეგ იყო განწყობილი. ადამიანურ სითბოს და სიყვარულს მოვაკლდი. ახლა რომ ვფიქრობ, მხოლოდ მაკა იყო სახლში ისეთი, რომელიც ბოლომდე გვერდში მედგა და საკუთარ სიყვარულს მიწილადებდა. ადამიანს მაშინ იცნობ, როცა ერთად მოხვდებით სადმე, ძნელად გადასატან ექსტრემალურ სიტუაციაში. სხვა შემთხვევაში შეიძლებოდა მე და მაკას, უბრალოდ არც კი გაგვეცნო ერთმანეთი. ამტანური ცხოვრება გახდა საწყისი ჩვენი საერთო მომავლისა, რომელიც ორივეს გვავსებს და გვახალისებს.
მაკა: ახლა გვახალისებს, მაგრამ იყო დრო, როცა სახალისოდ სულაც არ გვქონდა საქმე. ადამიანი რომ კუჭის დონემდე დავა, თითქოს მას აღარ უნდა ეცალოს სხვა გრძნობებისთვის. მაგრამ ჩვენს შემთხვევაში პირიქით მოხდა. მეგობრობამ, ერთმანეთის მხარდაჭერამ და სიყვარულმა გაგვაძლებინა ბიოლოგიურ არსებებს საარსებო მინიმუმის გარეშე. თუმცა ფერად სახლში ვერც კი წარმოვიდენდით, რომ ჩვენი ურთიერთობა ასე გაგრძელდებოდა.

მოთამაშე ამტანების გონებაში ყველაფერი მაშინ გაირკვა, როცა სიტუაცია კიდევ უფრო დაიძაბა. მაკა, როგორც ამტანი ერთი ყურძნის მარცვალმა შეიწირა. ლევანსაც ემუქრებოდა იგივე საფრთხე შოუს დასასრულს. რამდენიმე ნამცეცი პურისთვის. შეიძლება ახლა ეს ყველაფერი სასაცილოდ მოგეჩვენოთ, მაგრამ მაშინ, შეყვარებული ამტანებისთვის ნამდვილი ჯოჯოხეთი იყო. მაკა თამაშს ნაადრევად გამოეთიშა და ლევანსაც იგივე ელოდა, რომ არა რამდენიმე მომენტი. თუმცა ამას ახლა აღარანაირი მნიშვნელობა აღარ აქვს. ამ დროს ლევანისა და მაკას გონებაში ცნობადი გახდა გრძნობა, რომელიც ორივე მათგანს ერთმანეთთან აკავშირებდა…

მაკა: მაშინ მივხვდით, რომ ეს სიყვარული იყო. იმ წუთას ”ამტანი” მთელ ჩვენს ცხოვრებას მოიცავდა. ლევანი ჩემთან იდგა ბოლომდე. როცა პროექტი დავტოვე თითქოს რაღაც დამაკლდა. ჩემი ცხოვრება მაინც ფერად სახლთან იყო დაკავშირებული. არ ვიცოდი იქ რა დამრჩა, მაგრამ გული მაინც მიმიწევდა ამტანური სახლისკენ. როცა ჩემი სტატუსის განხილვაზე ბატონმა მამუკამ სახლში შემიშვა, მაშინ მივხვდი რა დამრჩენია თურმე. სწორედ მაშინ გავაცნობიერე, რომ ლევანი მიყვარდა, თან ძალიან.
ლევანი: როცა მაკა პროექტს გამოეთიშა მარტო დავრჩი თითქოს. უვე გითხარით, ის ერთადერთი იყო იმათგან, ვინც ჩემს გვერდით იდგა თამაშის დასაწყისში. როცა ადამიანი გვერდში დგომას გრძნობს მეორე ადმიანისაგან, მით უმეტეს მაშინ, როცა წესით ყველაფერი პირიქით უნდა იყოს და როგორც კონკურენტს, უნდა გებრძოდეს. ავტომატურად ყალიბდება კეთილგანწყობა, მეგობრობა, ურთიერთგაგება. ჩვენ ბედნიერები ვართ, რომ სწორედ ჩვენ ვართ იმ იშვიათ შემთხვევათაგანი, რომელიც სიყვარულით და ერთად ყოფნით დასრულდა.

შოუს მსვლელობის დროს დასასულზე არავინ ფიქრობდა, მაგრამ სწორედ დასასრული გახდა იმ დიდი ურთიერთობის დასაწყისი, რასაც ნამდვილი სიყვარული, შეუღლება და უკვე შემდეგ პატარა ამტანის, იოანეს დაბადება ქვია.

ლევანი: როცა პროექტი დამთავრდა ძალიან რთული იყო გარესამყაროსთან შეგუება. მთელი დღეები სახლში ვიყავი და მეძინა, ძალიან ბევრი ენერგიის მოკრება მჭირდებოდა, ცხოვრება უნდა გაგრძელებულიყო. თითქოს სიყვარულზე არც ვფიქრობდი. საკუთარ თავს მივხედე. ჩემსა და მაკს ურთიერთობაში იმ ეტაპზე მნიშვნელოვანი არაფერი მომხდარა.
მაკა: ვერ გეტყვით, რომ მართლაც ასე იყო. მიუხედავად ლევანის დაღლილობისა, ჩვენ მაინც ვახერხებდით ერთად ყოფნას. სწორედ ამ დროს გაღრმავდა ჩვენი გრძნობებიც. ლევანის მოგებული საგზურებით ეგვიპტეში გავემგზავრეთ დასასვენებლად. მართლაც რომანტიული იყო.

ეგვიპტეში ბევრი საინტერესო ამბავი გადახდომიათ თავს ლევანსა და მაკას. სწორედ პირამიდებისა და სფინქსის ქვეყანა გახდა მათი სიყვარულის გამოაშკარავების ადგილი.

ლევანი: იმავე საღამოს, როდესაც ეგვიპტეში ჩავფრინდით, მეგობრებმა გასართობ პარკში წასვლა შემოგვთავაზეს. მგზავრობისაგან დაღლილებმა ცოტა დასვენება გადავწყვიტეთ. ვიფიქრეთ ცოტა ხანში შევუერთდებოდით სხვებს. დაახლოებით ერთ საათში გავედით სასტუმროდან. სავარაუდო მიმართულებით დავადექით გზას და მივადექით აკვა პარკს, რომელიც ჩვენი აზრით ის ”მმმაგარი” ადგილი იყო, რომელზეც ჩვენი მეგობრები გვიყვებოდნენ. ის კი გაგვიკვირდა მხოლოდ რამდენიმე მოხუცი რატომ ისვენებდა აქ, მაგრამ არ მიგვიქცევია დიდი ყურადრება. მე და მაკამ, ხანდაზმული ადამიანების გარემოცვაში, დიდი რომანტიული საღამო გავატარეთ… საბოლოოდ აღმოჩნდა, რომ სულაც არ ვიყავით იქ, სადაც გვეგონა და ნამდვილი აკვა პარკი ჩვენგან რამდენიმე ასეული მეტრის დაშორებით იყო. სასიამოვნო მოგონებად დაგვრჩა…
მაკა: უფრო კარგი გრძნობა მაშინ მქონდა, როცა ლევანმა პირველად მთხოვა ცოლობა. ეს ამბავიც ეგვიპტეში მოხდა. საერთო მეგობრის საშუალებით მიგზავნიდა წერილებს და თხოვნებს, ცოლობის შესახებ. მაშინ ვფიქრობდი რომ არ უნდა ავჩქარებულიყავით, რომ ყველაფერი კარგად უნდა დაგვევგეგმა, მაგრამ რეალურად რომ შევხედე სიტუაციას არც არაფერი იყო დასაგეგმი და გასათვლელი. ლევანს თანხმობა მივეცი.

ამტან წყვილს ეგვიპტეშივე უნდოდათ დაქორწინება, მაგრამ ვერ მოახერხეს, თუმცა საქართველოში მათი ურთიერთობა მაინც უფრო სხვანაირი სახით გაგრძელდა, ვიდრე სამშობლოდან გამგზავრებისას იყო.

მაკა: ეგვიპტეში ერთი მართლმადიდებლური ტაძარი ვნახეთ. ჩვენდა გასაოცრად იმ მომენტში შავკანიანი მღვდელი მსახურებდა. მას ვთხოვეთ ჯვარი დაეწერა, მაგრამ უარით გამოგვისტუმრა. მიუხედავად იმისა, რომ მართლმადიდებლური ტაძარი იყო, მაინც ყოფილა რაღაც არსობრივი განსხვავებები ჩვენსა და მათ სარწმუნოებებს შორის. ასე რომ, უცხო ქვეყანაში დაქორწინების იდეა, პირდაპირ რომ ვთქვათ ჩავარდა.
ლევანი: თუმცა საქართველოში ჩამოსულებმა დიდხანს აღარ დავიცადეთ და ვიქორწინეთ. ერთ დღეს მოვინდომეთ და გავიპარეთ. რაც მთავარია ბათუმში, და ისიც შუა ზამთარში. საშინლად მაღალი ტემპერატურისაგან განსხვავებით ფული საერთოდ არ მქონდა. თუმცა ამას მაინც არ შეუშლია ხელი ჩვენი სიყვარულისთვის.

უკვე დაოჯახებული ამტანები საერთო საქმის ქვეშ არიან გაერთიანებულნი. ყავთ ერთი ვაჟკაცი, იოანე, რომელსაც, ლევანის თქმით, ამტანური გენები სისხლში აქვს გამჯდარი. თურმე საერთოდ არ ტირის. როცა რაიმე ეტკინება პროტესტის ყვირილი თურმე სიცილში ეზრდება. მათი საოჯახო საქმიანობაც ბავშვებს ეხება. თითქმის ყოველ დღე რამდენიმე ათეული ბავშვი მათ სადღესასწაულო ცენტრში ერთობა. ამტანი წყვილის ცხოვრება ხალისიანად მიდის. თუმცა იყო დრო, როცა ვერცერთი მათგანი წარმოიდგენდა, რომ ახალ სატელევიზიო შოუში მონაწილეობის მიღების სურვილი, მათი ცხოვრების ერთ-ერთი მნიშვნელოვანი გადაწყვეტილება გახდებოდა.

ფოტოები უბრალოდ, განწყობისთვის

tkacann — Tue, 23 Jun 2009 11:09:50 +0000

დაათვალიერეთ და უბრალოდ გაერთეთ…

2. არავინ მოიპაროს

3. სამსახური აქვს ასეთი, გაუფართოვეს…

4. დანალს

5. მიმართულება აერია

6. ვმკრეხელობ, მაგრამ ძალიან ვიხალისე ემ ფოტოზე…

7. ვარდი უეკლოდო ნათქვამია

8. სვანების სტადიონი

9. დაეზარათ

10. აქაც დაეზარათ…

11. ქუდის ინსტრუქცია

12. იაპონიური იეროგლიფი

13. ტოჟე მკრეხელობა

14. მგონი ხელით ატრიალებს

15. SCHOOL უნდოდათ რო დაეწერათ… შეცდომებზე სწავლობენ

16. ბოროტი ბავშვები

17. BUHS

18. მაქსიმალური სიჩქარე კაცისთვის 140, ქალისთვის 35

19. აქაც ქალი ზის

20. ბრაზილია თურქეთის წინააღმდეგ…